Shillon
g, Naiwieng 14: Ki pulit kila ong ba mynta ka sngi dang step phyrngang kila lap ia kawei ka met iong jong ka kynthei kaba dang ha pdeng ki rta 30 bad 35 snem ba ka don ha surok GS Road ha Mawiong rim jan ryndang briew.
Haduh mynta ki pulit kim pat lah ban tip ia ka kyrteng jong kane ka kynthei briew, la ong ba ia ka met ka jong ka la rah sha NEIGRIHMS Hospital Shillong ban pyndep ia kaba don kam. La ong ba lada don mano mano ba ithuh ki lah ban leit peit ia ka met jong ka sha katei ka hospital jong ka sorkar.
Na ka liang jong ki pulit kim shym la batai kumno kane ka kynthei briew kala iap ha katei ka jaka la don ba bret ia ka ne ha kano ka rukom, katkum ki lad khubor la iathuh ba la don ba iohi ia kane ka met kaba thiah ha rud surok bad ka pyntip sha ki pulit bad ki pulit kila leit banshim ia kane ka met jong kane ka kynthei briew.
