Mawdem, Nailur 22: Ki paidbah jong ka thain Mawdem kiba hap hapoh jong ka Ri Bhoi District, kiba kynthup ia ka shnong, Umdohyrthih, Balakhawa, Rajakhomai, Belahari bad Rajapara kila shah ieh khun swet ha ka sorkar namar ba ia ka surok kaba la siang rong na Mawmawsaw kaba la pynkut shuwa ban poi ha Umdohbyrtih kala sah teng mynta la bun bun snem.
Bah Phrowell Dyia sordar barim jong ka Mawdem haba kren ha ki nongthoh khubor u la iathuh ba kane ka surok ban poi sha kane ka shnong ka dei kaba la rim bha, hynrei haduh mynta ki dang shah ieh khun swet ha ka sorkar jylla ki paidbah kane ka thain ki shem jynjar haduh katta katta ha ka leit ka wan.
Kum u sordar ha ki snem kiba la leit noh u la leit ban ia kynduh ia u SDO jong ka PWD ba dei jong ka Patharkhamah Sub Division bad ha kane ka jingiakren la ong ba na ka liang jong ka ophis kala dep ban pynbiang ia ki kot ki sla hynrei haduh mynta ka sah kumne.
Haba ia dei bad u MLA jong ki u ba mynta u Bah Lamboklang Mylliemngap, u la ia kren bad u la ong “Ngi la jied ia phi ba phin shna ia kane ka surok” ha kane ka jingia kren u MLA u la ong ba tang shu rang ka bneng yn sa leh ei ei ban theh maw ha kane ka surok.
Kaei kaba ki paidbah ka tei ka thain ki angnud b aka sorkar ka dei ban siang rong ia kane ka surok, namar ha kapor jong u Bah JD Rymbai MLA Barim la siang rong san kilometer na Warmawsaw sha jan jong ka shnong Umdohbyrtih, hynrei na Umdohbyrtih haduh mynta la shu ieh khlem leh ei ei na ka liang jong ka PWD.
