Shillong, Naiwieng 02: Ban ai ia ka jingiarap ei na ka bynta ki ba duk ba rangli mynta ka sngi ka Meghalata State Legal Services Authority (MSLSA) kala sdang ia ka jingai hikai ia ki paidbah ha kane ka jylla ban pynsngewthuh ia ki ba ka sorkar kan iarap ei na ka bynta kito ki long iing kiba duk ki bymlah ban thung muktiar ha ki kam mukotduna jong ki.
Kum ka jingsdang ia kane ka jingpynshai paidbah mynta ka sngi ki dkhot jong ka MSLSA kila leit sha Nongmynsong ban pynshai ia ki long iing kiba duk ban ong ba ka sorkar ka don ia kane ka lad ka lynti ban ai jingiarap ia ki ha kaba kim don kam thung ia ki muktiar haba ki don kano kano ka mukotduma, kaba ktah ia ka hok ka jong ki bad bun kiwei kiwei kiba ia dei ha ka imlang sah lang.
Kane ka jingleit pynshai paidbah mynta ka sngi ka long tang kum ka jingsdang jong ka jingleit pynshai man ki thliew iing bad ki long iing kiba duk haba ki don kam ia kane ka jingiarap ki lah ban leit sha ka ophis jong ka MSLSA kaba don ha Additional Secretarait kamra No 20 lane ki lah ban phone ha une u number 0364-2501051.
Ha kane ka sngi la sam ruh ia ki kot lyngkdop sha ki long iing kaba kine ki heh sorkar ki leit mynta ka sngi bad ha ki sngi ki ban wan kin don ki dkhot jong ka MSLSA kiban leit sha ki iing ki iing jong ki briew ban pynshai, ka jingthmu jong kane ka long ban pynsngewthuh sha ki paidbah ba ki dei ban ioh ia ka jingiada ia ka hok ka jong ki haba ka don kano kano ka jingshah ban bein, ha kaba na ka daw jong ka jingduk kim lah ban thung muktiar hynrei ka sorkar ka don kane ka jingiarap ei.
Ki heh sorkar kiba la leit mynta ka sngi ki long u Bah BL Buam Additional DGP jong ka tand pulit jong ka sorkar jylla u Bah W Khyllep Secretary ka tnad ain jong ka sorkar kumu dkhotm u Bah W Diengdoh kum u Secretary jong ka MSLSA ryngkat ki nongkit kam jong ka shnong nongmynsong.
