Shillong, Lber 30: Ka shad suk mynsiem ba shsien shisnem jong ka Elaka Umniuh-Tmar ka ban long ar sngi lynter kala sdang mynta ka sngi, ba wat hapdeng ka jingther jong u slap ki briew na kylleng ka thain Ri War kila ia poi ban sakhi ia kane ka shad suk mynsiem ban pynneh pynsah iala ka jong ka Riti Dustur.
Ha kane ka sngi sdang jong ka shad suk mynsiem na ka liang jong u nongialam ka liang pyrshah u Dr Donkupar Roy u ba dei u MLA jong kane ka jaka u la ia dong lang ha kane ka sngi, ia u la synran lang da u MLA jong ka Nongstoin u Bah D Jyndiang, ha ka jingiadon lang u Sirdar jong ka Elaka.
Ki paidbah nongshong shnong jong kane ka Elaka wat hapdeng ka jingjur jong u slap kim shym la kynran dien hynrei kila iamih ban ia shim bynta ha kane ka shad ka kmen jong ka hima, kane ka shad suk mynsiem kan kut la shai ka sngi.
