Shillong, Lber 16: Ha kine ki sngi ka KSU West Jaintia Hills District Unit kala leit jurip iaka Goverment Boys Higher Secondary School Jowai bad lap shibun ki jing duna ha katei ka jaka pule ka Education Cell ka KSU WJHDU ha ka jing Ialam u Education Secretary samla Tyngshaiñ Krem, Ki Nong Ialam ka District Vice President Samla Chanbor war General Secretary Samla Leningrad Tariang bad kiwei ki la leit ban jurip ia katei ka School hadien ba la ioh ka jing ujor na ki paidbah ka thaiñ
La Shem ba kijuh ki Nonghikai jong ka Day shift Arts Stream ki hap ban hikai ruh iaki khynnah Morning shift haka jing bun ki Khynnah kumba 85ngut te ki nong hikai pat ki don tang 6ngut ki Nonghikai khamtam kaba sngew sih ia kiba pli ki nong hikai kiba hap ban Shakri baroh ar tylli ki bynta
Science lab- la kyntu ban shna kham kloi khnang ba ki Khynnah pule ka tei ka shlem kin ioh ka jaka ai jinghikai kaba biang. Kaba sngew leh raiñ shuh shuh ka long ba katei ka Skul kaba ai jinghikai ia palat spah ngut ki Khynnah kam shem ladon satia iaka Library room Khamtam ka lah don ki Higher sections.
La lap ruh ba iaka common wall ka la twa Naduh u Snem 2020 te haduh mynta kane ka Kynroh ym don ba jurip ne maramot bad ka ap jingma ia kiba iaid ka ieng na katei ka jaka khmatam ki long ïing kiba shong ba sah na shadien ka School.
Ka Seng ka lap ruh ba haduh mynta mynne ym Shem la pynpra iaka Building School kaba ap jingma bad kaba lah orpait la bun bun Snem mynta wat hadien ka jingwan jurip u Myntri ka Pule puthi u la kular ba Shen yn sa pynpra ia katei ka building kaba lah ban twa ha kano Kano ka por khamtam ka lah ban wan rah ka jing sngewsih ia ki paidbah kiba shong ba sah ha syndah katei ka School building.
Kumta na Kaliang ka Seng ngi dawa jur na ka Sorkar MDA khamtam na u Myntri pule puthi Ban shimkhia halor kane ka kam khnang ba ki Khynnah pule bad ki Staff jong kane ka skul kin ym rit mynsiem haba wan sha kane ka school. Lah ong u Samla Tyngshaiñ Krem Education Sec. KSU WJHDU ka kyrwoh khubor na u samla Juhhi Tariang Publicity Secretary KSU WJHDU.
