New Delhi, Iaiong 08: Ka President jong ka India, ka Droupadi Murmu ka la leit shong ha ka liengsuinSukhoi 30 MKI ha Tezpur Air Force Station ha Assam mynta ka sngi (8 tarik u Iaiong, 2023).
Ka President kaba long ka khliehduh jong ki kynhun iada ri, ka la shong kumba 30 minit ha kane ka lienguin kaba la her ha ki jaka Brahmaputra bad Tezpur na kaba la iohi ia ki lum Himalayashuwa ban leitphai sha kane ka Air Force Station.
Ia kane ka liengsuin la pynher da u Group Captain Naveen Kumar, uba long u Commanding Officer ka 106 Squadron. Kane ka liengsuin ka la her ha ka jingjrong kaba 2 kilometer palat ka jingjrong ka duriaw bad ha ka jingsted kaba kumba 800 kilometer ha ka shi kynta. Ka President Murmuka dei ka President kabalai bad ka President longkmie kaba ar ban leit shong liengsuinkumne.
Hadien kane, ha ka kot kaba kyrpang na ka bynta kito kiba wan sha kane ka jaka, ka President ka la batai ia la ki jingsngew ha kaba ka la thoh, “Ka la long ka jingshem kaba sngewtynnad bha ia nga ban shong ha ka liengsuin kaba khlain ka Sukhoi-30 MKI fighter aircraft jong ka Indian Air Force.
Ka long ka jingsngew sarong ba ka jinglah iada ri ka India ka la kiew shibun shah ban peit ia baroh ki jaka kiba kynthup ia ka khyndew, ka lyer bad ki duriaw. Nga ai khublei ia ka Indian Air Force bad baroh kawei ka kynhun jong ka Air Force Station Tezpurkiba la pynbeit ia kane ka jingpynher ia kane ka liengsuin.”
La batai ruh ia ka President shaphang ki jinglah treikam ki liengsuin jong ka Indian Air Force (IAF). Bad ka la ong ba ka la hunia ka jinglong kaba khreh ka IAF ban treikam.
Ka jingleit shong ka President ha kaSukhoi 30 MKI fighter aircraft ka dei shi bynta ki sienjam jong ka ban iakren bad don jingiadei bad ki kynhun iada ri, kum ka khliehduh jong ki kynhun iada ri.
Ha u Lber 2023, ka President ka la leitjngohia ka INS Vikrant bad ka la iakren bad ki ophisar bad ki nongniah lieng kiba trei ha kane ka lieng ba shna hi hapoh India.
