Shillong, Nailar 25: Ka Khasi Students Union (KSU) seng kmie mynta ka sngi kila kyntait halor ka jingkynnoh ia ki dkhot jong ka seng KSU, jong ka Laitumkhrah unit ba ki dawa pisa san lak na u Karuna Sindhu Ghosh ba u don ka jaka ha kane ka nongbah Shillong.
Katkum ka jingpaw ha ka website jong ki pulit ba u Ghosh, u la kynnoh ba ki dkhot jong ka KSU kila rah ia u na Iew Laitumkhrah ha ka sngi baa r bad ha dien kata kila rah ia u sha ophis jong ka seng kaba don ha Laitumkhrah ha kaba la ong ba kila dawa san lak namar ba u don ka jaka ha Demseiniong, Shillong.
Haba kren ha ki nongthoh khubor mynta ka sngi ha Shillong Press Club, u president ka KSU Laitunkhrah unit Silvestre Marwein, u la pynshai ba ka KSU kam don ophis hapoh Laitumkhrah kum ba la kam ha ka ejahar.
U para jong u ba shah kynnoh ba u la ai ejahar, u la ong” Nga kyndit ban iohi ba u hynmen jong nga u la ai ia ka jingujor pyrshah ia ka KSU, namar nga la kren ia u bad u ong bay m don jingtip ei ei halor ka ta ka jingujor pyrshah ia ka KSU”.
Na ka liang jong kiba ha iing jong u ba la ai ia ka ejahar kila leit sha Laitumkhrah police station ban pan ia ka kotpi, kila lyngoh ban iohi ba ka kyrteng kpa bad ka address ka biang, hynrei ka jingsoi pat kam dei ka jong u bad kam don ruh ia ka phone number bad kane ka dei ka kam ba leh tuh da mano re ha ka kyrteng jong u.
Na ka liang jong u publicity secretary jong ka seng kmie u bah S Lyngdoh, u la ong ba ka long ka ei kaei kaba sngew lyngngoh ba ki pulitkumno ki register case khlem da wad bniah ia u nongujor lane ia ka phone number u ba la ai ia kane ka jingujor. Na ka liang jong ka KSU kala ong ba shuwa ban rehister case ki bor pulit bad jong ka District administration kila dei ban tohkit shuwa. Na ka liang jong u DC ruh u la dei ban da bishar bniah shuwa ban phah sha ki pulit.
Na ka liang jong ki pulit ka Laitumkhrah ha dien ba kila pynlong ia ka jingtohkit kila lap ba kane ka jingujor ka dei kaba shuthok bad ki pulit mynta ki hap ban wad mano ba leh ia kane kam ha kaba ai ia kane ka jingujor.
