Shillong, Jymmang 17: Ka seng Hynniewtrep National Liberation Council (HNLC) kaba la shah niew beain ha ka khubor kaba la phah mynta ka sngi da u Bah Sainkupar Nongtraw publicity secretary, u la ong ba ka seng ka maham ia kino kinao kiba pyndon kam bakla ia ka kyrteng jong ka seng ha ka por elelction.
Ha ka juh ka por na ka liang jong ka seng HNLC kala ong ba kala dep ban phah sha ka sorkar jylla ba kan thung ia u ksiang na ka bynta ka jingiakren ia suk. Na ka liang jong ka seng ruh ka kren shai kdar ba nangne sha khmat lada ka sorkar ka thung ia u ksiang, u ta u ksiang u dei ban lait na kano kano ka jingshah the sha khum na ka liang jong ka sain pyrthei.
Ha ka juh ka por na ka liang jong u Publicity Secretary ka seng u la kren shai ba kim juh kyrshan ia kano kano ka seng sain pyrthei ne ki jingthmu ka jong ki, hynrei kano kano ka party kaba lah ban kyntiew ia ka briew ka jylla, pynkup bor ia ki, wanrah ia ki kam pynroi na ka bynta ka jingmyntoi jong ki briew ka jylla bad ban pynneh pynsah ia ka jingialang kawei. La ong u bah Sainkupar Nongtraw Publicity Secretary jong ka seng HNLC.
