Shillong, Iaiong 20: Ka MCIC mynta ka sngi kala pynlong ia ka jingiakynduh lang jong ki kmie ki kpa kiba ha iing ha sem jong u Bah Pynshai Mawri u ban mih khmat ia ka jylla Meghalaya sha ka jingiakhun ia ka “International Wako Asian Kick Boxing Championship 2017”kaban long ha Ashgabad, Turmenistan kaban sdang naduh ka 24 bad kan kut ha ka 30 tarik mynta u bnai.
Ha kane ka juh ka sngi la leh burom ruh ia u Rohit Gurung Resident ka Riat Laban, Shillong bad u Arjun Rana Resident ka Masjid Road Laban, Shillong kiba la shah jied ban mihkhmat ia ka jylla Meghalaya sha ka “Open National Taekwondo Championship 2017” ka long ha Hariyana ka ban sdangha ka 21st haduh 23rd ia Iaiong mynta u bnai.
Kane ka jingialang kaba la pynlong mynta ka sngi ka long ban ai ka jingkitbok ia kine ki rang ialehkai kiban mihkhmat ia ka jylla Meghalaya ha ki jingialehkai ki bapher bapher ha ka pyrthei bad ka Ri kiba la shah jied ban mih khmat ia ka jylla. Na ka liang jong u bah Sanbor Shullai MLA bad u Bah Ricky Shullai MDC kila ai ka jingiarap kaba T.55,000 /- tyngka ia kine ki nongialehkai.
