Shillong, Kyllalyngkot 07: Naduh bala ioh ia ka jylla ba pura Meghalaya ha u snem 1972, jan man ka elekshon sha ka iing dorbar thawain ka jylla la mih ki seng sain pyrthei kaba thymmai. Mynta ka kynti ruh kala mih ka party kaba thymmai kaba la tip da ka kyrteng Voice of people’s party (VPP).
U Chief Electoral Officer ka jylla Meghalaya u bah F R Kharkongor la iathuh ba haduh mynta ka party kala ba register thymmai na kane ka jylla Meghalaya dei tang ka Vocie People’s party kane ka party kaba la register bad ka election commission jong ka Ri India.
Ki party kiba la mih shuwa ka elekshon sha ka iign dorbar tahwain ka jylla, katkum ka jingkhein kiba la ioh kiba la jop ruh ia ka elekshon sha ka iing dorkbar thaw ain ka jylla ki long ha u snem 1997 kala mih ka party People Democratic Movement( PDM).
Kane ka party kala jop ar seat hynrei kala shu jah noh khlem pynieng kyrtong shuh ha ki snem kiab bud, kaba la thaw da u bah Sounder Strong Cajee bad mynta u la don bad ka TMC.
Ha u snem 2002 kala mih ka party Meghalaya Democratic Party (MDP) kane ka party kala mih ha dien bad ki MLA kila mih noh na ka party UDP bad thaw ia ka party MDP, ha ka elelction 2003 kane ka party kam shym la jop elekshon.
Ha u snem 2003 kala mih ka party Khun Hynniewtrep National Awakening Movement (KHNAM) bad kala jop ar seat kaba la thaw da u bah Paul Lyngdoh president barim ka KSU bad mynta u la pyniasoh ialade sha ka party UDP. Kane ka party mynta kan nym pynieng kyrtong ha kane ka elekshon 2023.
Ha u snem 2013 shuwa ka elelction kala mih ka party North East Social Democratic Party (NESDP) kaba la seng da u bah Lamboklang Mylliem bad ha ka elekshon u la jop tang marwei na ha dien ba la shah rem noh ha u 2018 kane ka party mynta ka kynti khlem ioh jingtip shuh ba kan pynieng kyrtong ha kane ka kynti kaba mynta.
Ha u snem 2017 kala mih ka party People Democratic Front (PDF) kane ka party kala jop saw ngut ki MLA, ar ngut, u bah Jason S Mawlong bad u bah Hamletson Dohling kine kila la leit ban pyniasoh bad ka NPP bad arngut, u bah Banteidor Lyngdoh bad u bah Gavin Miguel Mylliem ki ban ia khun ia kane ka elelction 2023 na ka juh ka party.
