Jowai, Naiutng 24: Ka Jaintia Hills kala iohi ba la mih sha kawei ka kynhun seng bhalang ia kaba la jer kyrteng ia ka da ka Jaintia Awekening Movement (JAM) ha kaba kinongialam seng bhalang na ki seng bapher bapher ruh kila ia don lang ha kane ka ka sngi ban ia sakhi lang ia ka jingpynlong ia kane ka seng kaba thymmai.
Ka jingthmu ha kaba thaw ia kane ka seng ka long ban kyntiew ia ka Jaintia Hills ha ki kam ialehkai, kajingbym ioh kam ioh kam jong ki samla bad ban kyntu ia ka sorkar ba ka dei ban buh noh ia ka jaka pule kum ka Engineering College, Medical College bad kum ka Agriculture college.
Ha kane ka sngi la jied ruh ia ki nongkit kam kiba nyngkong jong kane ka seng ha kaba u Bah Wankishuwa Mawlong u la sha jied kum u president u Bah Jesril Shylla kum u Vice President Bah Apphira Lamurong kum u Genenral Secretary bad kiwei kiwei de ki nongkit kam kiba dei jong ka seng la jied ha kane ka sngi.
Ka ne ka seng ka mih hadien ka jingshong pyrkhat ba sani bha hapdeng kine ki samla bad u bah Phyrnai Swer uba long u nongaibuid ka long ban dawa na ka sorkar ia ka jingdon kamjong ki paidbah katei ak thain kumba la kdew haneng, ha kane ka sngi kiwei ki nongialam kiba la ia donlong ki long u Bah Justice Paul Lyngdoh jong ka KSU u ba la shim ia ka jingsmai jongkine ki nongkit kam jong kane ka seng kaba thymmai.
