Shillong, Risaw 06: Ka Terakchi K Marak, Assistan Conservator of Forest (ACF) ba dei peit ia ka Simsanggre Range kala ai ia ka jingujor jong ka sha ki pulit ba ha ka 29 tarik jong u Nailur ba la dep ki nongtrei kila iohi ia ki kali kiba rung ha khlaw jong ka sorkar.
Ia kine ki kali la iohi ha ki bynta jong ka Matcha Akawe Chidipo kaba hap hapoh jong ka , Rongrenggre Reserve Forest jong ka East Garo Hills. Ki nongtrei jong ka tand khlaw kiba dei peit ia ka Simsanggre Range kila ia tur sha kane ka jaka bad kila lap ia kawei ka trok kaba don ia u ML-13-1732, katba ki nongtuh dieng kila phet.
Hynrei ha dien shiphang kinongtuh dieng kiba don kumba 25 lane 30 ngut kila tur sha ki nongtrei jong ka tand khlaw bad pynjot ia ka kali sorkar jong ka tnad khlaw da kaba rah daki side bad kiwait bad ha kane ka jingjia u Forest Guard u Coburn Manly K Marak, u la mynsaw bad u nongniah jong ka kali u Ethil Shira u la jah na kane ka jaka bad la lap ia u ha ka sngi kaba bud hapdeng ka jingmynsaw.
Ia une u nongniah ia kane ka kali sorkar la lap na jan jong ka Khera hapdeng ka jingmynsaw bad la kit ia u sha Guwahati ban ioh jingsumar, ia kane ka kali ka kem bad haba la tohkit la lap ba ka dei ka jong u Md. Abul Hussain jong ka Nayapara, Goalpara, Assam.
