Shillong, Lber 13: Halor ka jingbeteng ki pulit ka Ri Bhoi ban tohkit ha kaba ia dei bad ka ejahar hapoh ka Nongpoh Police Station no 25(3)2024 U/S 120B/121A IPC R/w sec 10/13/18 UA(P)Act and sec 5/6 Explosives substance act, mynta ka sngi kila ioh ban kurup ia ki tiar shna bom IED bad ki lama jong ka seng HNLC bad kiwei kiwei ki kot ki sla.
Na ka liang jong ki pulit ki khlem iathuh ia ka jaka kaba ki ioh ban kurup, hynrei la iathuh ba ia kine ki jingioh kurup mynta ka sngi la ioh ha ka jingialam jong u wei na kiba shah kem ha kaba la khynra ia ka iing sah jong u da ki pulit.
Na ka liang jong ki pulit kila kynnoh ba dei kane ka juh ka kynhun kaba la pynher ia ka lama jong ka seng HNLC ha kine ki snem kiba la dep, da ka jingbthah ki dkhot kiba don sha Bangladesh.
Na ka jingtohkit la shem ba baroh la bthah da ki briew kiba pher rieh sha Bangladesh, ban ong ia ki dkhot ka seng kiba don ban leh ia ka jingbthah ka jong ki, na ki kot ki sla ka shem ba ka don ka jingtyrwa pisa bad ka jingkular ban ai kali thymmai ruh ia kito kiba don ha ka kynhun ban pynbethei bom.
Na ka liang jong ki pulit kila ong ba ki dang iaid beteng ia ka jingtohkit ban lap shuh shuh ia ki kam jong ka seng HNLC, ki Pulit ki ong ba da kane ka jinglap ia kine ki tiar mynta ka sngi kin dang bteng shuh ia ka jingtohkit.
