Shillong, Nailur 14: U Director ka tnad ka koit ka khiah u la iathuh ba mynta ka sngi kila don ar ngut ki briew kiba la khlad na kane ka jingpang khlam COVID-19, da kane ka jingkhlad jong kine kiba khlad kala kiew sha ka 28 ngut ha ka jylla.
U Director ka tnad ka koit ka khiah u Dr Aman War u la iathuh ba u wei u ba khlad u dei u bah Iohbor Kharsohnoh 46 snem na 7-Miles Upper Shillong. La leit rah sha Bethany Hospital bad haba la test la shem ba long COVID-19 positive namar ba ym don jaka shuh ha jaka kyrpang la phah sha NEIGHRIHMS.
Katba dang leit sha lynti sha NEIGHRIHMS bad ynda poi sha Hospital por 7.20 baje mynstep la shem ba u ka khlad hapoh Ambulance. Na ka liang jong ka NEIGHRIHMS la phah biang sha Bethany Hospital ba kin pyndep ia ka rukom buh ia ka met ba la khlad katkum ki kyndon jong ka tnad ka koit ka khiah.
U wei pat u bala khlad mynta ka sngi ha ka por 12.40 baje shiteng sngi u dei u Binod Kumar Geonka 66 snem ka rata ba shong ba sah ha Paltan Bazar, ia une u briew la leit rah sha Super Care Hospital ka 25th Nailar 2020 bad ha dien kata la rah noh sha NEIGHRIHMS na ka daw jong ka jingshitom.
Ha dien ba la sumar hapoh NEIGHRIHMS la test COVID-19 Positive bad u la khlad noh mynta ka sngi ha ka por 12.40 baje shiteng sngi. Na lor kiwei ki jingpang kiba la don ha ka mat jong u u la khlad noh mynta ka sngi.
