Shillong, Lber 23: Mynta ka sngi u Superintendent ki pulit jong ka East Khasi Hills District u la pyntip ba kila ioh ban kem saw ngut ki briew ha kaba ia dei bad ka jingbethei bom ha Panjabi Lane ha ka 9/3/2024.
Ha ka kyrwoh kaba la pynliat da ki pulit mynta ka sngi na ki saw ngut la ai tang ia ka kyrteng u bah Sansharbha Makdoh 24 snem na ka shnong Umroi ha Ri Bhoi District bad ka jingtohkit ka dang iaid.
Na ka liang jong ki pulit bteng ia ka jingtohkit ha kaba ia dei bad ka jingbethei bom ha Panjabi Lane na baroh ki liang, haduh mynta kiba ki pulit kila ioh ban kem, ki long ha kaba nyngkong la ioh ban kem 2 ngut.
Ha dien kata na Ri Bhoi District la kem 2 ngut ryngkat ki tiar ban shna jingpynbethei bom, ha dien kata kila kem sa ar ngut bad la ioh nan kurup ia ki lama ka seng HNLC, bad mynta ka sngi saw ngut.
