Shillong, Naitung 22: U Dr Aman wat Director ka tnad ka koit ka khiah u la iathuh ba mynta ka sngi 25 ngut ki briew ki ba la test COVID-19 positive mynta ka sngi na kine ha 19 ngut kidei na East Khasi Hills District ki ba kynthup ia ki 2 ngut ki Air forces 6 ngut ki Shipai BSF bad 11 ngut ki riew paidbah, 2 ngut ki dei na East Jaintia Hills bad 4 ngut na West Jaintia Hills .
Ki briew ki ba la koit pura ki long 78 ngut kynthup ia ki 8 ngut ki briew ki la ioh ia ka jingkoit ba pura mynta ka sngi , na kine 4 ngut ki dei ki Shipai BSF ,2 ngut ki Shipai Air Force bad uwei u ba la koit pura u dei u ba la wan shim bynta na ka jing khawai iathoh shongkurim na Khanapara.
La iathuh ba haduh mynta ka sngi kiba shitom COVID-19 positive ki long 433 ngut ha ka jylla. Ha East Khasi Hills District ki briew ki ba don jingpang Covid-19 ki long 366 ngut na kine 269 ngut ki dei ki Shipai BSF,14 ngut ki dei ki armforces bad 83 ngut ki dei ki riewpaidbah.
Ha Ri Bhoi District ki don 42 ngut,ha west Jaintia Hills 5 ngut, ha East Jaintia Hills 3 ngut, ha West Garo Hills District 12 ngut,ha South West Garo Hills District uwei, ha East Garo Hills District uwei,ha South Garo Hills District 2 ngut bad ha North Garo Hills District uwei. Kiba khlad ki long 4 ngut.
Ki nongmuna ki ba la dep ban phah test ki long 29742 ngut, ki ba long negative ki long 28967 ngut bad ki result ki ba dang ap ki long 260, ki briew ki ba la wan phai sha ka jylla ki long 23,309 ngut haduh mynta. 
