Shillong, Iaiong 09: U Director ka tnad ka koit ka khiah u Dr Aman War mynta ka sngi u la pyntip ba la test COVID-19 Positive 42 ngut ha ka jylla baroh kawei, ha East Khasi Hills 34, West Garo Hills 3, Ri Bhoi District 02, West Jaintia Hills 2, East Jaintia Hills 1. Kiba dang shitom baroh ki long 167 ngut.
Na ki 34 ngut kiba shitom ha nongbah, kiba wan phai ki long 12 ngut, na Mawlai Nongkwar 10 ngut, kiba don ka jingiajan bad kiba shitom ki long 6 ngut, na Laban 3 ngut, kiba leit ban shah test 1, kiba don jingshitom 2 ngut.
La pyntip ba kiba la ioh ia ka jingkoit na kane ka jingpang mynta ka sngi ki long 6 ngut kine baroh ki dei na East Khasi Hills District, kiba la koit na kane ka jingpang ha ka jylla baroh kawei haduh mynta ki long 13889 ngut bad kiba khlad ki long 151 ngut baroh.
