Shillong, Jylliew 04: U MLA jong ka Shillong South u Bah Sanbor Shullai u la pyntip paidbah ba ka Nepali Secondary School kaba don ha Madan Laban kan ioh ia ka skhim na ka Asian Development Bank (ADB) kaba shiklur shiteng ban shna ia ka iing skul.
Ia kane u Bah Sanbor u la pynbna paidbah ha ka jingpynkup burom ia ki khynnah skul kiba la pass bha ha kane ka exam matrik kaba la pynlong da ka Meghalaya Board of School Education.Ha kane ka sngi u MLA u la noh jingiarap ia u Som Bhadur Thapa u bala wan ba khatsan na ki 20 ngut kiba la wan ha khmat.
Na ka liang jong u MLA u la ai ka jingiaroh ia ki nonghikai kiba la trei shitom ban wanrah ia ka burom jong ka skul bad ha ka juh ka por ula kyntu ia ki khynnah ba kin long kiba trei shitom ban poi sha ka jingjop ha ki jingpule jong ki, ha kane ka sngi la don bun ki riew rangbah ban ia sakhi lang ia kane ka sngi, ia ka jingialang la pyniaid da u T B Chetri headmaster jong ka skul.
