Tura, Iaiong 28: Namar ka jingbym lah ban ioh ia ka bor ding eleltrik ka tand PHE jong ka sorkar kaba pynpoi ia ka Um sha ka sor Tura kam lah ban pynbiang bad kumba ka long mynta ka jingduna ia kane ka jingpynpoi um ka long da 6 lakh gallon ha ka shi sngi.
Ki heh jong ka tand sam um ki la ong ba ka jingpump um ka jong ki man ka sngi na ka bynta ka sor Tura ka long 3.1 million gallon bad mynta na ka daw jong ka jingbym don light ka jongsam um sha ki paidbah ka la hiar bad ka jingduna ka long da hynriew lakh gallon ha ka shisngi.
Ki riew shimet kiba die um sha ki paidbah ha ka por ba kam don ka jngkyrduh um ka dor ka long tang T.1500 tyngka na ka bynta 6000 litters hynrei mynta ki shim ha pdeng ka dor T.200 haduh T. 500 tyngka na ka bynta ka shihajar litters.
Kumba ka long ka jingshit ha katei ka sor ha ki snem kiba la leit ha ka por lyiur ka long ha pdeng 25 bad 29 degree Celsius hynrei mynta ka jingshit ka la kiew sha ka 39 degree Celsius bad la ong ba kane ka dei ka jingkhluid kaba la palat la khien ha kine ki laiphew snem kiba la leit noh.
Kaba la dang pynjun jar shuh shuh ia ki paidbah ka long ba ka jingbym ioh ia ka bor ding eletrik ka la nang ktah shuh shuh ia ki paidbah namar ba kim lah ban pyndon kam ia ki pangkha.(SP News)
