Shillong, Lber 24: Ka ophis jong ka Director of Health Services (MI) ka jylla Meghalaya kala pynmih ia ka jingpynbna paidbah ha ka 22/3/2024 na ka bynta ka jingtip ki paidbah ba namar ba la pynbna iaka elekshon MP sha Lok Sabha da ka Election Commission jong ka Ri India bad ka Model Code kala treikam.
Halor kane na ka liang jong ka ophis jong Director ka tnad ka koit ka khiah ka jylla kala pynsangeh noh shuwa ia ka interbiew kaba la buh ban long naduh ka 01 haduh 03 tarik bnai Iaiong 2024 ha Shillong bad 01 haduh 02 tarik Iaiong 2024 ha Tura la hap ban pynsangeh noh haduh ban da pyntip da kumwei pat.
La kyntu ia kito baroh kiba la apply na ka bynta katei ka kam ba ki peit na ka por sha ka por ia ka website jong ka tnad ka koit ka khiah www.meghealth.gov.in na ka bynta ban ioh ia ka jingtip kaba na ka por sha ka por, kane ka long katkum ka jingpynbna na ka tnad ka koit ka khiah.
