Shillong, Lber 20: U bah Ransom Sutnga la ong ba u la dep ban phah ia ka shithi resign na ka kam kum u Executive Engineer tnad shna iing jong ka sorkar ha ka 7th Lber 2022, bad ka shnong ha ki bor ba dei peit la ki pdiang en em kam dei shuh ka jingbakla jong u.
Haba kren ha u SP News Agency la ong “Nga la phah ia ka shithi resign na ka kam ha ka 7th Lber 2022, dei halor kane ba nga sa leit ban ia shim bynta ha ka jingialang ka party NPP haka 10th Lber 2022, nga la pyndep ia la ka jong ka kamram ia kata ka jingpdiang ne bym pdiang kam dei shuh ka kamram jong nga”.
U bah Ransom la ong ba u la kwah ban resign noh na ka kam naduh u bnai kyllalyngkot hynrei namar u peit ia ka jigntei ia ka iing dorbar thawain ka jylla ki don ki kam ba hap ban pynbeit ba kan nym ktah ia katei ka jingshna ia ka iing dorbar thawain ka jylla.
Lah ban pynkynmaw ba u State president ka party u Dr. W.R Kharlukhi ha ka jingialang jong ka party ha ka 10th Lber 2022 la pynbna ba u bah Ransom un long u kyrtong ka party NPP na 17-Shillong North.
