Shillong, iaiong 28: Halor ka jingmih khubor ia ka kong Amperene Lyngdoh MLA jong ka Laitunkhrah ka myntri ki kam pynroi sor ka la mih ka jingthoh ha ka wei na ki kot khubor ba ka don ka jingbyrngem ia ka ha ka wei na ki seng kai khlaw ka seng HNLC ha kaba iadei bad ka jingpyndam sia lieh jong ka.
Haba ia kren bad ki nongthoh khubor mynta ka sngi ka kong Amperene Lyngdoh ka la ong “ngam sngew tieng ngam khuslai ei ei ia kane ka jingpyntriem jong ki lada ia nga la thoh kata ka nusib ngan long kumta”.
“Ban pyntriem ia ki long kmie ka long kaei kaei ka kam kaba long biej shibun eh, ngam tip ia ki kaei ka daw ba ki byrngem ia nga bad kam don ruh kano kano ka daw ba kin byrngem ia nga, ioh dei leh se ba nga trei shitom ki iwit ia nga”la ong ka kong lyngdoh
Ka la ong ruh “ngam shym la ioh satia ia ka phun call na ki ba kin kren ia nga hynrei nga shu iohsngew na ki wei bad lyngba ki kot khubor, lada ka long ba kin byrngem ia nga markhmat ruh ngam tieng, bad lada ki kwah ban leh ruh ai kin kin leh kam lei lei lada ia nga la thoh ban jia kumta namar ia nga la jied da u paidbah ban trei ia ka kam bad ban shynshar khaddar”
Ka la ong biang balei ngi don haduh 60 ngut ki MLA hapoh assembly hynrei kaei ka daw ba ki byrngem tang ia nga marwei, ka long ei ei kaba ym lah ban pdiang bad khamtam eh ban shu byrngem bad pyntriem ia ki long kmie ka long ka kam biej.
Lada ki don ki case kiba don hapoh ka iing bishar pyrshah kiba ia dei bad nga bad ka iing bishar hi kan sa peit bad la eia kaba don kam la pynkut ka kong Amperene Lyngdoh.(SP News)
