Shillong, Rymphang 01: U Pa’im Naindro Syiemiong, Syiem jong ka Hima Maharam ha ka jingiadon lang jong ki myntri bad ki Lyngdoh u la ong ba lada u Bah Phamless Syiemlieh ym pan map ia ki jingkynnoh pyrshah jong u na ka liang jong u um ban se ban ai da ka Mukotduma pyrshah ia u.
Haba pynshai halor ka jingshah kynnoh ba ia ka bai khyndew kaba dei ka surok na Umpung sha Ranikor la sei da u Syiem, na ka liang jong u Syiem u la ong ba ia kane ka jingkynnoh dei ban da pynshisha da ki jingthoh jingtar bad lada ym pan map um banse aid a ka mukot duma.
Halor kiwei ki jingkynnoh, na ka liang jong u Syiem u la ong ba ki long kiba khlem nongrim bad ia kane ka jingkynnoh jong u Bah Syiemlieh u la dep ban lei tai ruh sha KHADC bad ka daw jong ka jingkwah jong u tei u briew hi ka long ba u kwah ban kam nongkynti ia ka khyndew hima ha Panchirng bad ia ka Iew Balat bad Photkroh ia kaba ka iing bishar mynta kala pynksan ba dei ka jong ka hima.
Haba ia dei bad ka jingai jaka ia ka sorkar ka hima kam juh shim pisa namar ba ka sorkar ka wan rah ia ki kam pynroi na ka bynta ka bit ka biang jong ki khun ki hajar jong ka hima baroh kawei , ka hima ruh ka ai ei ia ka jaka na ka bynta ki kam pynroi jong ka sorkar.
.
