Shillong, Rymphang 13: Ka KSU South West Khasi Hills District haka 13.02.2017 ka la leit ban noh synniang iaka longing jong u bah Neck Wahlang ha Shnong Nongbrei Nongdom. Kumban shu pynkynmaw , kane ka longing kala mad iaka jingpluh ding ba shyrkhei haka 01.02.2017 ha kaba iwei i khunlung ba dang 3 taiew i la Shah bam duh haka ding.
Ha kane ka jingleit noh synniang la ialam Da u Samla Forwardman Nongrem President KSU SWKHD, Samla Marconi Thongni, Finance Secretary, Samla Lurshaphrang Shangdiar , Publicity Secretary, Ki Nongkitkam jongka KSU Mawkyrwat Circle, Shngimawlein Unit bad Pyndenmawthawiang Unit. Ha kane ka sngi, la ia don ryngkat Da u Myntri shnong jongka Nongbrei Nongdom bad kiwei kiwei.
Haba kren ha kane ka jingialang u Samla Forwardman Nongrem u la ai iaki khubor sngewlem sha kane ka longing ba mad ia kane ka apot. Ka Seng ka kyntu iaki bot district bad kumjuh ruh iaki officers napoh Ka C&RD Block bad kiwei kiwei ki tnad sorkar ba Ki dei ban pynsted ha Ka ban ai iaki jingiarap sha kane ka longing kaba la duh noh ia iwei i mynsiem briew. Ki nongmihkhmat ruh Kim dei ban wan pyrta ne wan khroh wan kjor tang por election hynrei Ki dei ban peit bad noh synniang ruh sha kiba kum kine ki lanot.
