Shillong, Lber 19: Ki shipai BSF jong ka 193 Battalion kila noh syniang sha ki saw tylli ki shnong, ka Purnanagar, Betgora, Khaikona bad Badrup ha East Khasi Hills District, lynba ka skhim jingiarap kaba la tip kum ka Civic Action Programme.
Kane ka jingiarap ka long ruh ia ki skul bad ia ki khynnah skul kiba don ha khappud bad ka Bangladesh, ia kane ka jingnoh jingiarap ia ki paidbah ha khappud la plie da ka long kmie kaba la tynmen tam hapoh ka shnong Puranangar.
Ha kane ka sngi la don lang u Rajiv Kumar Commandant jong ka kynhun 193 Battalion jong ki shipai BSF la long u kongsan ha kane ka sngi, kane ka long ban pynjan ia ka jingiadei ha pdeng ki shipai bad ki paidbah nongshnong shnong.
Ha kane ka sngi ki BSF kila sam ia ki tiar kiba don kam jong ki paidbah ka shnong Betgora, Khaikona, Purnanagar bad Badrup, ia ki skul la ai da ki kor computer, ki miej, bad ki tiar ialehkai ban kyrshan ia ka jingpule jong ki khynnah skul.
Ia kine ki tiar la sam ha ka jingiadon lang ki rangbah shnong, ki nonghikai, na ka liang jong ki shnong kila ai khublei ia ki shipai BSF ba kila lah ban ai kane ka jingkyrshan ia ki paidbah sha kitei ki shnong kiba don kam ia ka jingiarap.
