Shillong, Nailar 13: Kum shibynta ban ia rap ia ki briew kiba donha khappud bad ka Bangladesh ki shipai BSF mynta ka sngi kila pynlong ia ka jinghikai ban seng kam la jong ha Dawki ha kaba palat 100 ngut ki samla kila ia poi ha kane ka jinghikai ba kyrpang.
Ki jinghikai kam dei eh tang ban seng ia ki kam la jong hynrei ka long ruh ba kumno kin ioh ia ki kam ki jam ki jong ki sha ki company bapher bapher, kum ka kam shna kali, ka kam shna light, ka kam suh jain, ki kam ban trei ha ki karkhana bad kumta ter ter.
Haba ia dei bad kane la ai jingtip ruh ia ki ba kumno kin ioh jinghikai kaba kham bniah shuh shuh kum ha Don BOsco Technical School, ILFS bad ha SS Netcom bad ha kiwei kiwei ki jaka kiba ka sorkar kala ithuh ia ki kum ka jaka ai jinghikai ba kyrpang.
Kumba ka long mynta ka jingbym ioh kami oh jam ka long ka jingeh kaba khraw ha ka imlang sah lang bad kane ka jingbym don kam kala ialam bakla ia ki samla ba kin poi sha ki kam sniew tang ban ioh pisa bad kane ka pynlong ba kin leh ia ki kam dakaid kaba long pyrshah ia ka imlang sah lang.
Kane ka jinghikai ka long ban pynlong ia ki samla ba kin lah ban ieng hala ki jong ki kjat ba kin ioh ia ki kam ki jam la kam dei eh ka kam sorkar la ong u P K Dubey, Inspector General, BSF, Meghalaya Frontier.
