Shillong, Nailar 15: Ka Meghalaya Human Right Commission (MHRC) kala register ejahar halor ka jingkhlad jong u bah Cheristerfield Thangkhiew kumba la mih khubor ha ki lat pathai khubor ba u shah siat iap ha ki pulit.
Katkum ki jingthoh kiba mih ha ki lat pathai khubor la paw ba ki pulit jong ka jylla Meghalaya kila siat ia u Chersiterfield Thangkhiew General Secretary barim jong ka seng HNLC ha iing sah jong u ha Mawlai Kynton Massar ha ka step phyrngap ka 13th Nailar 2021.
Na ki jinthoh kiba paw ha ki lat pathai khubor ka long ba kala don kata ka jingpynkhein ia ka hok long briew man briew, katkum ka article 21 jong ka Riti Synshar jong ka Ri India ka kren shai ba dei ba iada ia ka jingim jong u ne ka briew hapoh ka Ri India.
Haba ia dei bad kata ka jingjia ka MHRC kala bthah ia u Chief Secretary jong ka sorkar Meghalaya ba un jubab hapoh ka 15 sngi naduh ba la phah ia kane ka jingthoh na ka bynta ka jingtip bad lada ka jubab kam biang ka MHRC kan sa pynlong la ka jong ka jingtohkit.
