Shillong, Naiwieng 02: Ki rangbah shnong jong ki san tylli ki shnong jong ka thain Sohra mynta ka sngi kila leit ban ia kynduh ia ka myntri ba dei peit ia ka School Education and Literacy ka Debora C Marak ban dawa na ka sorkar ban plié noh ia ki ar tylli ki shnat pule hapoh ka tei ka thain, ia ka Sceince bad ka Commerce.
Ha kane ka dorkhas kaba la ai sha ka myntri jong ka sorkar, la soi da ki san ngut ki rangbah shnong jong ka thain Sohra ha kawei na kine ki college kiba don mynta, ha Sohra Government College, lane ha ka Government Normal Training School.
Ha kane ka jingiakynduh ia ka myntri kala don ruh ka jingkyrpad ia ka sorkar ban maramot noh ia ka Government Normal Training School. Khanang ban lah ban pynkynriah ia ki samla pule n aka Sohra Government College sha kane ka jaka pule ia ki Class XI bad XII.
Kumba ka long mynta ia ka Sceince stream la hikai tang hapoh jong ka Rama Krishana Mission bad ia ka Commerce Stream lahikai tang hapoh jong ka St John School, ka long kaei kaei kaba don kam lada lah ban buh sa ki jong ka sorkar ha kane ka thain ban ia rap ia ki samla pule.
Ha kane ka jingiakynduh na ka liang jong ka myntri ka Debora C Marak ka la ong ba kan sa peit ia kane ka jingdawa ka jong ki, hooid ka jingdawa ka long kaba shong nia kala ong. Ia kane ka kynhun ki rangbah shnong la ia lam da u MLA jong kane ka jaka u Bah Titosstarwell Chyne.
