Shillong, Jymmang 03: Ia ka jingialang jong ka National People’s Party (NPP) ha Tura mynta ka sngi ban jied ia u kyrtong ban ia khun ia ka MLA election ha 53-Ampati Konstitwensi la hap ban pynwai noh namar ba ym pat lah ban rai bad ia kane ka jingiakren yn betng biang la shai ka sngi.
U Dr W R Kharlukhi State president jong ka seng NPP haba kren ha u SP News Agency, u la iathuh ba ia kane ka jingialang kaba la long mynta ka sngi ha Tura la hap ban buh teng bad yn beteng biang ia ka jingiakren la shai ka sngi namar ki don bun kiba pan tiket bad la iathuh ba kin dang don biang sa ar ngut ki ban dang pynpoi ia ka aplikoshong jong ki mynta ka sngi.
La iathuh ba haduh mynta ka sngi ki aplikoshon kiba ka party kala ioh ki long lai tylli bad ki ban dang poi mynta ka sngi ki lah ban long sa ar tylli baroh ki kyrtong kiba apply tiket kin long san ngut dei na kane ka daw ba la hap ban buh teng ia ka rai bad ia ka jingialang yn beteng baing la shai ka sngi ban shim ia ka rai iano ka party kan pynieng kum u kyrtong MLA ha 53-Ampati Konstitwensi.
