Shillong, Lber 12: Mynta ka sngi ka iing dorbar jng ka KHADC kala pdiang ia ka mang tyngka jong u snem 2024-2025 kaba la kot sha ka T.329,07,00,710/- tyngka, ha ka dien ka jingiatai hapoh ka iing dorbar kaba ki liang pyrshah kila wanrah ia ka jingiakren ban khate na kaba la mang.
Ha kane ka jingmang pisa na ka bynta u snem 2024-2025, ia ka tnad General Administration la mang T.35,03,18,030/- tyngka, ia ka Tnad ain la mang T.67,20,170/- tyngka, ia ka tnd ba dei peit ia ka tnad pla pisa la mang T.26,78,74,940/- tyngka.
Na ka bynta ki kam khlaw ka jingmang pisa ka long T.10,07,88,260/- tyngka, ba ja bynta ka tnad bishar khadar ka jingmang pisa ka long T.6,41,95,160/- tyngka, na ka bynta ka tnad pule puhthi ka jingmang pisa ka long T.87,80,640/- tyngka.
Na ka bynta ka tnad enforcement ban iada ia ki jaka jong ki riewlum,a jingmang pisa ka long T.5,97,88,160/- tyngka, ka bun ka pisa ha kne ka jingmang tyngka ka dei na ka bynta ki kam pynroi kaba la kot sha ka T.234,63,91,440/- tyngka.
Namar ba ym don u Chief Executive Member u bah Pyniaid Sing Syiem ba dei peit ia ka pla pisa , ia kane ka bynta la wanrah da u bah Pynshngian N Syeim Deputy CEM jong ka KHADC.
