Shillong, Lber 12: Ka iing dorbar jong ka KHADC mynta ka sngi kala pdiang ia ka jingwanrah ia ka jingpynkylla ha ka sien kaba nyngkong ia ka ain “The Khasi Hills Autonomous District( Regulation and Administration of Land) Amendment Bill, 2024,ia kaba la wanrah da u EM ba dei peit ia ka khyndew u bah Teiborlang Pathaw.
Ka jingpdiang jgng ka iing dorbar ka long ha dien ba u bah Titosstarwell Chyne nongialam ka liang pyrshah u la weng noh ia ka jingpynkylla kaba u la wanrah halor katei ka ain rew kaba kwah ban pynkylla da ka Executive Committee.
Haba wanrah ia ka jingkylla ia ka ain rew kaba la wanrah da ka EC, u bah Titosstarwell u la pynsngew ba kan long ka jingma lada ia ka jingai ia ka kot patta la shimti noh da ka KHADC lada ka don ka jingpynslem na ka liang jong ka dorbar shnong ne ka Hima.
La ong ka jingthmu kane ka ain ka long ban ai ka jingithuh ia ka rukom bat khyndew jong ki paidbah bad lada mynta ka KHADC kamshimti noh sha lade ia kane ka bor kan long ka jingma kaba khraw.
Halor kane ka bynta na ka liang jong u EM ba dei peit ia ka khyndew u bah Teiborlang Pathaw u la ong ba ka jingthmu jong ka jngwanrah ia kane ka jingkylla ka long ban ki don ki shnogn ki hima kiba pynslem khlem daw, kumta ka KHADC ka hap ban tuklar kumta la hap ban wanrah ia kane ka jingkylla.
Haba jubab ban iarap ia u EM ba dei peit, na ka liang jong u Deputy CEM jong ka KHADC u bah Pynshngiang N Syiem la ong ba kane ka long ban tehlakam ia ka jingleh don bor jong ki katta katne ki shnong ne Hima kiba la pynslem khem daw ban ia ia ka pata khyndew.
Haba ba la ioh ia ka jingpynshai na ka Executive Committee u bah Titosstarwell Chyne u la wengnoh ia ka jingpynkylla kaba u la tyrwa hapoh ka iing dorbar bad ha dien ba la weng haba la buh ha khmat ka iing dorbar ka iing dorbar kala pdiang ia kane ka Bill.
