Shillong, Nailar 23: Ka Joint Action Committee Teachers Association of Meghalaya (JACATAM) mynta ka sngi kala ioh da ka jingthoh na u Director of School Education Literacy (DSEL) b aka jingiakren kan long lashai ka sngi bad u Chief Secretary jong ka sorkar jylla, ban ia kren halor ka jingdawa ka jong ki nonghikai.Na ka liang jong ki nongialam jong ka seng kila pdiang ia kane ka jingkhot jong ka sorkar sha ka jingiakren.
Haba kren ha u SP News Agency, u Chairman jong ka JACATAM, u Bah ED Nongsiang, u la ong, “ Hooid ngi la ioh pdiang ia ka shithi na ka sorkar ban ia kren la shai ka sngi bad u Chief Secretary jong ka jylla bad kin sa peit kaei ka jingmih na kane ka jingiakren”.
La ong ba ia mynta kim pat weng ia ka jingiakhih ka jong ki kin dang iai beteng bad kin sa shim ia ka rai la shai ka sngi ha dien ba kila dep ban ia kynduh ia u Chief Secretary, lada ki hap ban weng noh ia kane ka jingiakhih lane ki dang hap ban beteng, ka shong baroh ha ka jingialang la shai ka sngi la ong u Bah Nongsiang.
Kane ka jingiakhih jong ki nonghikai kala poi sha ka sngi kaba ar mynta ka sngi bad kala ktah shibun ia ki khynnah skul ha ka jylla baroh kawei ha ki skul kiba dei adhoc bad ki skul deficit kiba don saw dong jong kane ka jylla Meghalaya.
