Shillong, Iaiong 21: Ka Khasi Students Union (KSU) hynne ka sngi ka la pynpaw ba ka jingpynkiew bai bording jong ka MSERC tang da 15 percent ka long kaba biang bad kan ym ktah ia ki paidbah ba pyndonkam bording, hynrei haba iadei bad ka jingpynkiew ba shisnem hap ban da bishar bniah bad pule bha.
Ka Meghalaya State Electricity Regulatory Commission (MSERC) ka la pynkiew ia ka bai bording ha ka jylla kaba la pyntreikam naduh ka 1 tarik u Iaiong haduh ka 31 tarik u Lber 2015, ba la pynkiew ha ka dor pdeng kaba 15 percent na ka bynta kane ka shisnem kaba mynta.
Ka KSU ha kaba mynshuwa ka la dawa na ka sorkar ba kan bishar bniah ia ka jingtyrwa ban pynkiew bai bording ba kan ym ktah ia ki paidbah kiba duk kiba suk bad ki la pynpaw ia ka jinghun ba ka jingpynkiew ka long kaba biang palat.
U Auguster Jyrwa KSU general secretary u la ong, “ Ngi ladep aiti ia ki kyrteng jong ki ban mihkhmat na ka seng sha ka sorkar hadien ba ka MeECL ka la tyrwa ban pynkiew ia ka bai bording na ka T.35 per unit ba ju long sha ka T.210 ha ka shibnai bad mynta ba ka jingpynkiew ka long kaba rit kan ym ktah ia ki paidbah
Watla katta ruh u General Secretary ka KSU u la ong ba shen ka seng kan sa kynduh ia ka commission ban iakren halor kane ka jingpynkiew bai bording.(SP News)
