Shillong, Jymmang 09: Ki nongtrei ASHA jong ka jylla Meghalaya mynta ka sngi kila pynlong iaiad iaid paidbah ha kane ka nongbah Shillong ban dawa na ka sorkar ba ka dei ban ihuh noh ia ki kum kinongtrei sorkar, ia kane ka jingiaid paidbah la sdang na ophis jong ka CPI kaba don ha Thanad Road.
Ha dien ka jingiaid paidbah kila phah ia ka memorandum sha u myntri rangbah ka jylla u Dr Mukul Sangma halor ki hynriew tylli ki mat jingdawa nalor ka jingdawa ban ithuh noh ia ki kum ki nongtrei sorkar.
Ki hynrei tylli ki mat jingdaw ki long ba ka sorkar ka dei ban pynkiew noh ia ka jingmang pisa na ka bynta jong ki nongtrei ASHA bad ka jingsiew ka dei ban long noh man u bnai. Ka sorkar ka dei ban pynioh ruh ia ki nongtrei ASHA ia ki jingsiew kumka Provident Fund, ka Employees Insurance Scheme (ESI), ka baibam tynmen bad kiwei kiwei ki jingioh kiba ki nongtrei ASHA ha kiwei ki jylla jong ka Ri ki dei ban ioh.
Na ka liang jong ki ASHA ki dawa ruh ba ka sorkar ka dei ban siew noh ia ki ia ka baileit bai wan ka jong ki namar haba ki leit sha ka kam ktah ia ka pla jong ki namar ka jingioh ka long kaba rit hynrei ka kam kaba ki trei ka long ba ki hap ban leit kylleng kylleng ban pyntrei ia ki skhim jong ka sorkar pdeng bad kum juh jong ka sorkar jylla.
Ki nongtrei ASHA kiba bun ki dei kiba wan na ki long iing kiba duk ba rangli hynrei ka kam ka jong ki kaba ki trei ka long bad ki long kmie kiba don ha ki nongkynyndong ban kyntiew ia ka koit ka khiah ka jong ki bad khamtam eh ia ki khyllung khynnah.
Ia kane ka jingiaid paidbah jong ki nongtrei ASHA ha kane ka nongbah Shillong la khot da ka Meghalaya Facilatator Workers Union (MFU). Ha kane ka jingiaid paidbah la thoh ha ki palkard ba ki nongtrei ASHA ki kwah ba ka sorkar kan ithuh noh ia ki kum ki nongtrei sorkar.
