Jowai, Naitung 27: Ka Khasi Students’ Union(KSU)Narpuh Circle ka phah ia ka khubor sngewlem sha kiba ha ing ha sem jong u Ma Kombon Buam(50) uba na ka shnong Thangbuli West Jaintia Hills uba la khlad kyndit na ka jingshah iuh ha Ratachera ha kawei ka trok kaba pynher stet kaba wan na ki thain Kalain(Assam) bad u la khlad ha shen.
Kane ka la jia myn ha ka miet Thohdieng por 9.00pm.Ka long ka jingduh bakhraw ia ki 7 ngut ki khun bad ka lok.Une u rangbah u don ka kper kwai sha Ratachera,u leit khnang sha Ratachera ban pynkhuid ia kane ka kper,hynrei khlem poi pyrkhat ka la jia kane ka jingsngewsih.
Ia ka met jong u la leit buh sha Thangbuli da ka kali ambulance jong ka KSU Umkiang Border Unit.Ka seng ka phah ia kane ka khubor kum ka jingpyntngen bad sngewlem sha kiba ha ing ha sem jong u.Na ka liang ka seng ka pynrem jur ia uto u dribar thrangsnam bym khein shuh para briew.
Ka seng ka kyrpad jur ia ka tnat pulit Umkiang bad ia kiwei ki tnat pulit hapoh ka thain ban trei shitom ban lap ia kane ka trok bad ia u nongniah wat la ym shym la ithuh number ia ka. (SP News)
