Shillong, Naitung 16: U Bah HS Shylla CEM jong ka KHADC mynta ka sngi u la phah ia ka kyrteng jong ki phra ngut ki MDC sha u Lat jong ka jylla ba un ai ia ka jingmynjur na ka bynta ba kin long ki Executive member hapoh jong ka KHADC.
Haba kren ha u SP News Agency u CEM jong ka KHADC u Bah Shylla u la iathuh ba ki kyrteng jong ki phra ngut MDC kiba la phah sha u Lat jong ka jylla ki long u Bah Neilantonio War, Bah Donkupar Sumer, ka kong Rona Khyndeit na ka UDP, Bah Blanding Warjri, Bah Latiplang Kharkongor, Bah James Shylliang na ka PDF bad u Bah Victor Ranee bad u Bah Jansing M Tynsong na ka NPP.
Katba ar tylli ki shuki kiba dang lait la pynap na ka bynta jong ka HSPDP. Ka jingpynrung ia ki MDC jong ka HSPDP kan long ha dien ba la jied ia u Chairman bad Deputy Chairman hapoh jong ka KHADC.
