Shillong, Naiwieng 02: Ka tnad trei kam jong ka All India Congress Committee (AICC) kaba dei peit kyrpang ia ki rit paid, mynta kala sdang ban pynkhreh ia ka lad ka lynti kumno ban khring ia ki rit paid na ki jaid niam khristan, muslin bad ki Muslim, Bhuddhist jong kane ka dong shatei lam mih ngi jong ka Ri India sha ka party Congress.
Na ka liang jong ka seng Congres kala aiti ia kane ka kam sha u Rejaul Karim Laskar ban wanrah ia ka kaiphot ha kaba ia dei bad kane ka jingthmu jong ka party bad kane ka jingpynkhreh ia kane ka kaiphot kan long na ka bynta baroh ki jylla jong kane ka dong shatei lam mih ngi jong ka Ri India.
Kum shi bynta jong ka jingpynkhreh ia kane ka kam u Laskar mynta ka sngi u la ia kynduh ia u Bah DD Lapang president jong ka MPCC ban pan jingmut na une u nongialam bad na ka liang jong u Bah Lapang u la ai jingmut kumno ban leh ha kaba ia dei bad kane ka bynta kaba yn kyntup ha ka kaiphot.
Ha kane ka juh ka sngi na ka liang jong u Bah Lapang u la ia kynduh ruh ia u Hiranya Bora, Ex-MLA, bad u ba dei ruh u secretary barimjong ka , North East Congress Co-ordination Committee, ban ia kren kumno ban pynkhlain ia ka NECCC ha kane ka thain.
