Shillong, Iaiong 12: U Nongialam jong ka seng BJP u Bah Egenstar Kurkalang u la kynnoh ba u myntri rangbah ka jylla u la pharia ia ka imlang ka sahlang da ka jingsngewniam ka jingkynnoh jong u ba ka sorkar NDA ka rakhe ia ka Digtal India ha ka sngi ‘Good Friday’. Ka dei tang ka jingle politic.
U tei u nongialam jong ka BJP president ka BJYM u la buh ka jingkylli hato u Dr Mukul um tip bad um burom ia u Dr. B.R. Ambedkar u kpa ka constitution ka Ri India, u nongsaindur ia ka riti synshar ka ri India, ha kaba ki jaidbynriew bapher bapher bad ki jiatniam bapher bapher naduh ki rit paid haduh ki heh paid ki ioh ban tyngkai bad bud laitluid ia ki riti ki dustur jong ngi da ka jingsaindur jong u ne u riewkhraw bad ia ka sixth scheduled ruh la pynwandur da ka jingialam bastad jong une u riewkhraw kaba long kawei ka jingiada kyrpang ia ngi ki riewlum.
U tei u president jong ka BJYM jong ka seng BJP, u la ong ba ia ka 14 tarik jong u bnai Iaiong la juh rakhe manla u snem ha baroh kawei ka Ri India wat kiwei ruh ki ri. U tei u nongialam jong ka BJP u la ong ba mynta ka kynti ruh ka sorkar India ka burom ia u ne u riewkhraw. Kumta ka jingkynnoh jong u Dr Mukul ka dei ka buit ialam bakla ia ki paidbah bad ka jingpynkylla politic la ong u Bah Egenstar Kurkalang, State President BJYM Meghalaya ha ka kyrwoh mynta ka sngi.
