Shillong, Naitung 4: U myntri ka koit ka khiah jong ka jylla u Bah AL Hek Mynta ka sngi u la plie ia ka Online Registration System (ORS), kaba ki nongpang kiba mut ban leit shim dawai kilah ban rehister ialade lyngba ka inter ha ka website jong ka Civil Hispital Shillong hapoh kane ka http://ors.gov.in.
Haba kren ha kane ka jingialang na ka liang jong u myntri u la ong ba kane ka dei ka Hospital kaba nyngkong eh ha kane ka jylla ha kaba ki nongpang ki lah ban buh tiket ban leit shim dawai da kaba register ha katei ka website ia lade katkum ka jingdon kam jong kinongpang, kane kan iarap ia ki briew ban nym pynlut por ha kaba ieng lain.
U bah T. Dkhar, SIO, NIC, Shillong u la ong ba kane ka hospital jong ka sorkar kan long ka hospital kaba nyngkong ha ka jylla ban don ia ka eRegistration bad kane kan long ka jingpyniasoh sha baroh ki hospital jong ka Ri ha kaba la plied a u myntri rangbah duh jong ka Ri u Narendra Modi ha ka shitarik jong u Naitung 2015 bad mynta kala dap shisnem thik.
Ban register ka long kaba suk lada ia ka mobile jong u nongpang la register bad ka UIDAI da kaba pyndonkam ia ka eKYC bad lada ym pat register ki nongpang ki dei ban register kum ki nongpang ba dang register thymmai khlemd a don ia u Andhar bad ki nongpang kin ioh iaka jingpynshisha ba ki la register ha kaba kin ioh ia ka SMS sha ka mibile jong ki.
Ha kane ka sngi kiba la don lang ki long u Bah K.W. Marbaniang, Secretary Health bad Family Welfare, Dr. R. Wankhar, DHS (MI), Dr. R.O. Budnah, DHS (R), Dr. B. Mawlong, Medical Superintendent, Shillong Civil Hospital bad kiwei kiwei.
