MeghalayaShillong, Iaiong 19: U Rubal Rana u nongkhaii masi beain ba snar bha jong ka Ri Bangladesh u la ba juh lait na ka kti jong ki shipai BSF, ha kane ka kynti mynta um shym la lah shuh ban phet krad hynrei u la shah kem ha ki BSF na ka shnong Gunjangpara, jong ka South West Garo Hills district ha Meghalaya.
Haba ki shipai BSF kila ioh ia ka jingtip kaba biang ba u tei u nongkhaii masi ba snar jong ka Ri Bangladesh u la thmu ban leit sha Bangladesh ryngkat ki masi ki BSF kila ap ktem bha bad shuwa ban rung sha Bangladesh ki BSF kila mih bad bat ha u khappud bad ka Bangladesh.
U nongkhaii masi ha ba la ngat ha ka kti jong ki BSF u la phla ba ia kine ki masi la wanrah ia Purakhasia bad ia kine ki masi la dei ban aiti sha ki nongkhaii jong ka Bangladesh bad ka kam jong ki ka long ban niah u wei u masi ki ioh bai niah haduh T.1000 tyngka kane ka jingthied masi na Ri India ka long ba bun na ki karkhana doh ha Bangladesh ki shaniah ia ki masi na India ban pynbiang ia ki.
Kumba ka long ka jylla Meghalaya kaba ymjuh da kham paw ha ki kam khaii masi beain ha ki snem kiba la dep mynta kala paw kynsan bad ka daw ka long ba ka jingshallan ia ki masi na kane ka jylla ka kham suk ban pynrung sha Bangladesh. Ka jingkem ia ki masi ba la thmu ban phah sha Bangladesh ha kine ki khyndait sngi kala jyllei bha.
