Shillong, Naitung 03: U Nongbishar jong ka KHADC u Dr S Kharsyiemlieh mynta ka sngi u la pynbam smai ia u Bah Bindo M Lanong kum u MDC ba shuthung hapoh jong ka KHADC, ha ka jingiadon lang u CEM u Bah Teinwell Dkhar, u Chairman u Bah Pynsngianglang Syiem ki para EM, ki ophisar kiba ha ing ha sem.
Haba kren ha ki nongthoh khubor ha dien ba u la dep ban shim ia ka jingsnai kum u MDC jong ka KHADC, u la ong ba ha ka jingshisha kala don ka jingiakren na ka bynta kam MP Rajya Sabha ia kaba ym da mon na ka bynta kane ka kam.
Haba phai sha KHADC u la ong ba kaba kongsan eh na ka bynta jong u mynta ka long ban ia peit bniah ha kaba ia dei bad ka jingthmu ban pynkylla ia ka Sixth Schedule bad kane ka long kaba kongsan tam namar kumba ka long ka KHADC kan don 40 ngut ki MDC bad na kitei saw ngut hap ban shut thung ar ngut ki kynthei bad ar ngut kiwei pat.
La ong ba katkum ka jingthmu ia ka District ka long ba ai ki riewlum kin peit hi ia lade ymd ei ban pynthud ia ki ia kane la ong ba wat u Jawaharlal Nehru u la dep ban kren, hynrei kumba ka long mynta I mat kan ktah ia kane ka jingthmu tynrai.
U Bah Bindo M Lanong u la shah jied kum u MDC la hynriew sien bad ha kine ki hynriew sien u la bat ia ka kam CEM, Chairman, Nongialam ka liang pyrshah bad mynta u la shh thung kum u MDC ha KHADC kane kan long ka jingmyntoi ia ka KHADC.
