Shillong, Jymmang 17: Ka Central Recruitment Board of Police Department kala pynbna ia ki kyrteng jong kito ki briew kiba la shah jied na ka bynta ka personal interview ha dien ba kala dep ban pynlong ia ka jingkilan met bad ia ka examine ha kaba ia dei bad ki kam ha ka tnad pulit ha ki kyrdan bapher bapher.
Ia ka kyrteng jong kito kiba shah jied la buh ha ka website jong ka tnad pulit da kaba ki lah ban log in sha ka Website www.megpolice.nic.in/ www.megpolice.gov.in. Kiba la shah jied ki dei ban da peit bha ia ka jaka kaba la buh na ka bynta jong ki ba kin leit ha ka personal interview lane ki lah ban leit ban kylli na ki jaka kaba ki thep ia ki aplikoshon jong ki.
Ha kane ka personal interview kiba la shah jied ki dei ban rah lang ia ka admit card kaba ki ialeh ia ka examin bad ia baroh ki kot ki sla kiba dei ki original katkum ka jingdon kam kumba la kdew ha ka por ba ki apply ia ka kam ia kane la pyntip da u Inspector General jong ki Police (TAP) u ba dei ruh u Chairman, CRB, Meghalaya, Shillong.
