Shillong, Rymphang 24: U bah MK Dkhar IG ka tnad pulit jong ka jylla mynta ka sngi u la pyntip ba ka eksamin wat kam na ka bynta kito kiba la shah jied ban thoh ia ka eksamin na ka bynta ka kam Fireman, Driver Fireman, Driver Constable kan long ha ka san bad hynriew tarik Lber 2022.
Ka Central Recruitment Board kala buh sngi ba na ka bynta kam kam “Fireman” kan long ha ka 5/3/2022 na ka bynta ka Eastern Range bad Western Range, kane ka eksam kan long na ka bynta 300 mark bad ka por thoh eksamin kan long naduh ka por 9.00 Am haduh 11.Am.
Na ka bynta ka na ka bynta ka kam “Driver Fireman” ka eksamin kan long ha ka 5/3/2022 na ka bynta 300 mark bad ka por thoh eksam kan long naduh ka por 2.00 Pm haduh 4.00 Pm.
Ha ka 6/3/2022 ka eksamin kan long na ka bynta ka kam “Driver Constable” kan long 150 mark bad ka por thoh eksamin kan long haduh ka por 9.00 Am haduh ka por 10.00 Am.
La bthah ia baroh kito kiba la shah jied ban thoh ia kite ki eksamin ki lah ban shim ia ka admit kard jong ki naduh ka 26/2/2022 bad ban pynshisha ba ki dei ma ki ki hap ban wanrah ia ka jingpynshisha kum ka Aadhaar, ka EPIC, Pan Kard.
La bthah ia baroh ba kin poi sha ki jaka thoh eksamin shi kynta shuwa ba kan sdang ka por thoh eksamin, ki dei ban wanrah ruh ia ka syrnot ba la dep ban ai Tika lane ia ka RT-PCR ba ka long Negetive.
