Shillong, Jymmang 12: Ban ailad ia baroh ki nongthep vote ba ki lah ban leit thep vote ha ka 16 tarik mynta u bnai ban jied MP ba thymmai na ka Bye Election 2-Tura (ST) Parliamentary Constituency, la pynbna ba ha ka sngi thep vote kan don ka shuti ha baroh kawei ka Ri Lum Garo.
La ong ba baroh ki briew kiba trei ha kano kano ka kam ha kane ka sngi ki dei ban ioh shuti kane ka long katkum ka N.I. Act, 1881. Kino kino kiba trei shabar jong katei ka jaka ruh ki lah ban leit thep vote ha katei ka sngi bad kino kino kiba ai kam ia ki kim dei ban pynduh ia ka bainong sngi ka jong ki, kane ka long kat kum ka khubor kaba la phah na da u Under Secretary to the Government of Meghalaya, General Administration (A) Department.
