Resubepara Naiwieng 23: U myntri rangbah ka jylla u Dr Mukul Sangma haba plié ka ka iing Bharat Nirman Rajiv Gandhi Seva Kendra (BNRGSK) ha Kharkutta ha North Garo Hills ia kaba la tei ha ka jinglut kaba T.10.25 lak u la pynbna paidbah ba ka sorkar ka la thaw ia ka skhim kaba kyrpang na ka bynta ki shnong ki
ba don ha khappud ka jylla Meghalaya bad ka Assam.
Ha kane ka sngi na ka liang jong u myntri rangbah u la ong ba ka sorkar ka la mang lai klur tyngka na ka bynta ban sdang ia kine ki kam pynroi. Da kaba wanrah ia kane ka kam pynroi kan wanrah ia ka jingkiew ha ki liang baroh ha ki shnong ki thaw kiba don ha khappud bad ka jylla Assam .
Na ka liang jong u myntri rangbah ka jylla u kwah ba ki briew kin tip ia ki jaid skhim kiba bun jaid ki ba don haka Integrated Basin Development and Livelihood Programme (IBDLP). Na ka liang jong u myntri rangbah u khot u wer khatam ia ki long kmie ba kin wan sha khmat ban ia shim ia ki kaba kiba ka sorkar ka don ban ai sha ki paidbah.
Haba ia dei bad ka koit ka khiah u myntri rangbah u la ong ba ka don ka Universal Insurance Scheme ia kaba la mang khyndaiphew hajar naka bynta ki pang malu mala bad ia kiba khampang jur la mang 1.60 lak tyngka ia kane ka skhim la pynlait paidbah da u myntri rangbah ha North Garo Hills.
Kiwei kiba la ia don lang ha kane ka sngi ki long u AICC Secretary ba dei peit ia ka jylla Meghalaya u Sanjay Bapna, u Dkhot jong ka AICC CWC , Chief Adviser ka sorkar Meghalaya, Dr D D Lapang, MPCC working President Deborah Marak, GHADC CEM, P K Sangma, GHADC Deputy CEM Brigady Marak, bad kiwei kiwei ki heh sorkar.(SP News)
