Shillong, Risaw 04: U bah Adelbert Nongrum MLA jong ka KHNAM u la pynbna paidbah ba ka seng KHNAM kala shim ia ka rai ban pynieng ia u bah Esron Marwein ha kane ka ilekshon shiteng samoi na ka 13-Mawrungkeng (ST) Assembly Konstitwensi.
Haba kren ha ki lat pathai khubor u bah Adelbert u la ong ba ka seng kala ia kren bun sien bad u bah Marwein bad ha dien bala sngewthuh ia ka jingthmu jong ka KHNAM ka seng ka shim ia kane ban pynieng ia u na katei ka konstitwensi.
Da ka jingpynieng ka KHNAM ia u kyrtong mynta kin don lai ngut ki kyrtong ki ban ia khun ha kane ka ileklshon shiteng samoi, ka Congress kala pynieng ia u bah Highlander Kharmalki, ka NPP ia u bah Pyniaid Syiem.
