Pynjari ia k DC ia ka kophiew miet kaba man ka sngi kiba iaid khlem jingbit kin sah dain kuna

Shillong, Naitung 25: Ka Deputy Commissioner jong ka East Khasi Hills District kala ong ba ka jingdon kiba ioh pang COVID-19 hapoh ka District ka dang long palat ia ka 10%, ban iada na kane ka jingsaphriang kane ka jingpang la pynjari ia ka kyndon 144 CrPC ryngkat katkum ka kyndon kaba 3 jong ka Meghalaya Epidemic Diseases, COVID–19 Regulations, 2020.

Ban khanglad ia ka jingsaphriang kane ka jingpang la pynjari ia ka korphiew meit naduh ka por 7.00 baje mynmeit jong ka 26/7/2-21 haduh ka por 5.00 baje mynstep man la ka sngi hapoh East Khasi Hills District,ha kane ka por la khang ia ki briew ba kin iaid kiba iaid khlem jingbit kin sah pynshitom, ha ki sngi u blei kan don ka jingkhang dam.

La khang pyrshah ia ki jingialang paidbah la ki long kino kino ki jingialang la ki dei ki jingai jinghikai ruh la khang pyrshah, ha ki iing iap briew la shah tang 10 ngut kata ruh hap ban da ioh ia ka jingbit na ki bor jong ka ain.

La khang pyrshah ia ki jingialeit ia wan na kawei ka District sha kawei pat ka District la khang pyrshah ban ia rung ia mih hapoh ka nongbah Shillong lait noh tang kiba la ioh ia ka jingbit, ki kali jong ki riew shimet kiba iaid khlem pass kin shah dian kuna. Ka jingplie ia ki dukan kiba dei ki dukan marbam bad ki bym dei kin long katkum ki kyndon kiba la pynbna.

Baroh ki dukan ki hap ban thoh ha khmat dukan  la kila dep ai Tika ne em, ia ki jingtrei kiba dei jong ka sorkar bad ki kam shna iing ha ki nongkyndon dei ban ioh da jingbit na SDO bad ki BDO, hynrei ia ki jingtrei kiba don kam ia ki briew kiba don ia ki jingbit ba kyrpang hap ban ioh jingbit na DC ophis.

Ki ophis jong ka sorkar pdeng bad sorkar jylla kin pynbeit ia ka jingwan ki nongtrei 30%, katba ia ki tnad sorkar kiba don kam kiba don jingiadei bad ki paidbah la ai bot ia ki khlieh jong ki ophis ba kin shim rai katno ngut kiba hap ban wan trei. Ki Post ophis kin plie da kaba buh duna ki nongtrei bad kin khang por 2.00 baje. ki bank ruhkum juh hynrei kin khang por 4.00 baje jan miet.

Ki jingtrei kiba ia dei bad ka rep ka riang bad kum juh ia ki jingtrei kiba ia dei bad ka  MGNREGA la sha ia ki bad la bthah ba kin ialeh ban pynthikna ba dei ban ai Tika ia baroh kiba dei, la shah ia ki khaii bad ka Bangladesh ka shong ha ki jingpynbeit ki SDO. Ia ki ophis jong ki riew shimet la shah ban plie tang katkum ka jingdon kam da kaba pan jingbit.

La shah ia ki jaka khap sniuh ban plie da kaba but ryntih ia ki jingbthah, ha Shillong la shah ia ki kali ban kamai 30% bad ha ki nongkyndong 50% bad ki baba niah kali ki hapban toh ia ka jingthoh kaba kila ai Tika ne em.

Ka ophis jong ki kolej la shah ba kin plie lai sien ha ka shitaiew bad ki nongtrei ki dei ban long tang 30%,ia ki ophis jong ki skul ruh la shah ban plie lai sngi ha ka shitaiew bad kiba wan trei kin long tang 30%. Katba ia ki LP bad UP skul yn sa pyntip da ka ophis jong u DSEO baroh ki dei ban but ia ki kyndon bala buh.

La shah ia ki jingialehkai kiba ym don kam ban ia kynduh para marmet ha ki briew ba kin sdang katkum ki kyndon kiba la pynmih na ka tnad ia lehkai jong ka sorkar jylla da kaba ki hap ban bud ryntih ia ki  kyndon baroh da kaba ki hap ban shim ia ka jingbit, hynrei ym pat shah ia ki jingialehkai ban don kiba wan peitkai.

Kiba la shah ba kin iaid ha kapor ba don kane ka jingpynpyrkhing ki long ia kito kiba trei ha ka tnad ka koit ka khiah, ki dukan dawai, ka jingiaid kiba kit ia ki marbam mardih, kiba don kam bad ka tnad ka koit ka khiah, ki pulit ba dkiwei kiba don bynta ha ki lad jingiada, kiba trei light, tnad sam um, ha tnad Municipal, kiba dei ia ka sam bam, ka tnad DIPR, tnad pahah khubor, ki lat pathai khubor, ki Petrol pump, Nari, 1917iTeam, LPG,  kiba dei bam ia ki mrad.