Shillong, Lber 17: U Deputy Commissioner jong ka East Khasi Hills District u Sibhi Chakravarthy Sadhu, 1AS, lapynjari ia ka kyndon 144 CrPC ban khang pyrshah ia kino kino ki jait jingiakhih namar ba ka ECI kala pynbna ia ka MP Elekshon sha Lok Sabha ka ban long ha ka19/Iaiong/2024 ha Meghalaya.
Namar ba ka Model Code kala treikam kumta ki jingbthah jong ka Election Commission jong ka Ri India baroh kila treikam ha ka jylla hadien ba la pynbna ia ka General Election sha ka iing dorbar thawain jong ka Ri India sha Lok Sabha.
Na ka liang jong u Deputy Commissioner jong ka East Khasi Hills la ioh jingtip ba kin don jingiakhih kum ka jingiashong kyllain mungor, jingiaid paidbah kiba la thmu ban pynlong da ki katto katne ki sseng hapoh ka District.
Kumta na ka liang jong ki bor ba dei peit ia ka District Administration jong ka East Khasi Hills la sgnew dei ban pynjari ia ka kyndon ain 144 CrPC ban khang ia kum kita ki jingiakhih ban pynneh pynsah ia ka shong suk shong sain khamtam ha kane ka elekshon sha Lok Sabha 2024.
Kane ka jingpynbna kala treikam mardor kata na duh ka 16/Iaiong/2024 bad kane ka hukum kan neh haduh ban da pynbna da kumweipat, kane kalong katkum ka jingpynmih ia ka hukum ka ophis jong u DC ka East Khasi Hills District.
