Shillong, Nailur 14: Ka General Secretary Indian Red Cross Society,ka shnat jong ka jylla Meghalaya,kala pyntip ba ka kong Amory Caroline War, Counsellor jong ka Junior Red Cross jong ka Unit jong ka Mawlai Government Upper Primary School, kala shah pynkup burom da ka khuhsnam da ka ‘Award of Merit’ namar ka jingtrei shitom jong ka hapoh kane ka seng naduh u snem 1986.
Kum kane ka jingburom ia kane ka jingtrei shitom jong ka kong Amory , ia ka khuhshnam la ai hapoh Rashtrapati Bhavan, New Delhi ha ka 30 tarik jong u bnai Nailar ba la dep da u myntri ka koit ka khiah jong ka sorkar pdeng u u J P Panda u ba dei ruh u Chairman jong ka Chairman jong ka Indian Red Cross Society, New Delhi.
Ka burom kaba la ai sha ka kong Amory ka long ba kala trei shitom ban pynrung ia ki khynnah sha ka kynhun Junior Red Cross, ha ka skul ba ka hikai, ha kaba kala lah ban pyntung ha ki khynnah skul jong ka ia ka mynsiem burom ka akor bad ka jingai snam ei bad ka jingtrei shitom jong ka bad ka Red Cross Society kala long mynta ka 30 snem lynter.
