Shillong, Nailar23: Ka iing bihsarba don burom jong ka Meghalaya High Court mynta ka sngi kala shong bishar halor ka PIL No.3 kaba la ujor da ka president jong ka CSWO ka kong Agens Kharshiing, ha u snem 2014 da kaba ong ba ki MLA bad ki MDC ki bam armaloi. Haba shong bihsar iakane ka PIL mynta ka sngi, ka iing bishar kala shim ia ka rai ban pynkutnoh ia kane ka PIL.
U muktiar, u Bah VG Kynta u ba la ia said naka bynta jong u Bah PN Syiem u badei u MLA bad u MDC jong ka Mawsynram Constituency haba kren ha ki nongthoh khubor la ong ba, ka nongrim kaba u ieng ka long ba ki MDC kim dei ki nongtrei jong ka sorkar pdeng lane jong ka sorkar jylla.
La ong ruhbaka iing bishar jong ka Meghalaya High Court mynta ka sngi kala shim ia kane karai ban pynkut noh ia kane ka PIL, ka long halor ka jingpynshai jong ka Election Commision jong ka Ri India, ia kaba la pynbna da u Lat jong ka jylla ha ka 31th Jymmang 2016.
U Bah PN Syiem, u ba lait na kane ka jingiakhun ha kane ka mutkotduma, u la pynpaw ia ka jingsngewnguh ka jong u ia ki nongkyrshan jong bad ia baroh ki to kiba la ai mynsiem ia u ha ka por ba u dang don ha pdang ka jingialeh, u la ai khublei kyrpang ruh ia u muktiar jong u bah Kynta.
